有其他拍賣行同Vincent講，今次拍賣嘅十個物業開價一共超過一點五億元，涉及金額好似好大，不過由於產業署唔使畀佣，所以拍賣行就淨係會收到買方嘅佣金，而且仲要畀埋律師費同估價等費用，計落條數，佣金收入可能比賣出一個二百萬元嘅單位仲少。

鉅記過江進駐銅鑼灣

銅鑼灣一線街一向是內地旅客到港必到之地，故商戶都會睇準機會進駐。中原（工商舖）鄭琪俊同Vincent講，近年白沙道已經轉型為以銷售高檔時裝及名貴鐘錶珠寶店為主的街道，但部分針對旅客手信的專門店亦積極搶灘，如澳門著名的「鉅記手信」，啱啱租咗白沙道一至三號Ａ一舖，作為喺香港的首間舖位，反映其睇好白沙道的購物人流。

鄭琪俊表示，單位月租同之前時裝店一樣，都係十七萬八千元，以鋪位面積五百方呎計，呎租約三百五十六元。

Vincent Lau