大市繼續挾高，但股仔反而行得慢，因為資金流晒去炒重磅股。詩詩買咗新時代（00166）唔行，窄幅上落得個悶字，惟有再坐一會。

除咗短炒，詩詩開始留意有沒有個別股份可提供中線投資的機會，中國電力（02380）應該會是一個不錯的選擇。集團去年全年業績，營業額升63.1%至96.3億元（人民幣‧下同），雖由盈轉虧蝕6.84億元，不過若剔除神頭一廠關停機組而合共錄得一次性減值損失3.89億元，虧損則收窄至2.95億元。隨着內地已調整電價，加上燃煤價格亦已從去年高位回落，相信中國電力在發電規模提升後的效益，可於今年開始反映出來。

中國電力今年首五個月已成功扭虧為盈，配合五凌電力開始帶來盈利貢獻，在未來盈利能力改善下，集團有望降低負債水平，令投資價值提升，值得中線吸納。

詩詩