熱錢持續流入，金管局接錢接到手軟。熱錢流入無非都係炒港股，港股睇怕都好難靜下來。上周五，港股早段似要回落，部分熱炒股仔亦有退熱迹象，不過啲新星依然氣勢強勁，現時股市玩信心，往往啲股仔回落就係吸納之時。
早前資源股曾被打入冷宮，但近期開始見轉勢，唔少龍頭股更創出今年高位。其實通脹可期，資源有價，加上股價落後，資源股當中的確有唔少係寶，古晨就幾鍾意隻中國稀土（00769）。
去年受金融海嘯打擊，令業績見紅，惟近期螢光粉價格及需求都回升番，公司手上與一家歐資製燈公司嘅合資項目，更預期明年可以投產，近期股價轉強勢，不妨以2元作目標，而股價跌穿1.5才作止蝕。
古晨