本文重點
今年三月，包浩斯（00483）董事局罷免咗前副主席兼執行董事唐書文，自此之後，公司主席黃銳林（唐書文前夫）未有出來向大家解釋，只喺通告度話，因為唐氏「未能依循或漠視董事會、內部管理層會議決定行事，對集團營運造成不良影響」。黃銳林尋日終於現身，佢尷尬咁講「醜婦終須見家翁」。
唐書文持股多過自己
黃銳林認為公司有人事變動好正常，而唐書文仲係公司股東，持有嘅股份仲多過佢自己，佢仲話大家都有聯絡，因為佢哋有一對囡囡。絲絲覺得雖然佢哋做唔成夫妻同拍檔，但希望佢哋可以「再見亦是朋友」，最重要係唐書文係公司創辦人之一，佢哋向來以「夫妻檔」見稱，雖然兩年前已離婚，但仍一齊做生意。今次黃銳林親自解畫，話唐氏離職對公司發展影響不大，不過佢都覺得好無奈，但係佢唔擔心唐書文會自立門戶搶自己生意，原因係佢一向都好鼓勵自己下屬創業，佢對自己公司好有信心。
余絲韻