場內游資仍然充裕，大市一旦確認反彈，熱錢立即入市狂掃貨，今次大戶唔再狂掃大價股，反而三四線股最有炒味，一來價位細細最好炒，二來波幅夠晒勁。資金輪流炒作，逐個板塊都有炒嘅機會，如果手上有貨仲未郁，不妨耐心等候吓，可能好快輪到你。
昨日大炒內地出口復甦，航運股全線復勇，過去一年，由於歐美等地需求持續下降，過去一年對集裝箱需求亦大幅下降，以製造貨櫃為主的勝獅貨櫃（00716），年初亦要供股集資以渡過難關，不過時移世易，航運復甦下，對貨櫃需求回升，勝獅股價跌至谷底出現強勁反彈，近日回落至0.8元見有收集，昨日乘勢爆上，有勢唔怕追，短期向1.3元進發，而止蝕位可放於0.8元。
古晨