本文重點
喺呢個商業社會，學歷真係好緊要，所以恒生銀行（00011）一直都好支持大家學習。好似恒生有份捐錢創辦嘅恒生商學書院，班學生喺今年高級程度會考攞到差唔多500個A級，又有狀元，令恒生副董事長兼行政總裁梁高美懿都忍唔住要親自以校監身份到訪。
首以校監身份到訪
原來呢次係梁太第一次以校監身份到訪恒商，佢仲好多謝呢度校董會同班教職員咁多年嘅努力，而能夠獲得社會各界認同，成個恒商團隊都感到非常自豪。
講真，恒商最近呢幾年成績的確驕人，仲威過好多傳統名校。以今年高考為例，有8個學生考獲5A或以上！全港3名6優狀元，恒商就佔咗兩個，全港12個5優狀元，有一半係恒商嘅學生！相信梁太見到班學生讀書成績咁好，都會非常欣慰。其實恒商係喺一九八○年創立，至今已有逾1萬個畢業生，佢哋嘅成績更一年比一年好，可謂青出於藍。
余絲韻