影婚紗相「排除萬難」

佢好深情咁同絲絲講，好多謝女友喺佢人生最低潮時支持佢，因為於○三年沙士後，佢爸爸間證券行執咗笠，爸媽又離婚，前女友又離開佢，投資又失利。

不過，Dickie終於同Eva一齊走過呢啲風風雨雨，證明佢哋打風都打唔甩。就好似佢哋影婚紗相咁，Dickie話都幾多阻滯，改咗6、7次期，唔係攝影師辭職，就遇着落雨和打風，上星期諗住打風影唔成，點知星期日就風和日麗，佢終於可以同女友坐住架靚靚遊艇出海影婚紗相。

女友鑽戒要打孖上

佢又話，早前女友屋企畀賊入屋爆竊，好彩屋企無人，但好可惜嘅係佢買畀女友隻訂婚鑽戒都畀個賊偷埋，佢惟有買過第二隻鑽戒畀女友，Dickie笑言依家咪要上多啲節目搵番啲錢囉！其實計絲絲話經歷咁多風雨，佢哋都能走埋一齊，亦再一次證明佢哋有緣分啦。

余絲韻