近期圈內最令人矚目嘅消息，係屹立台灣近半個世紀嘅AIA子公司南山人壽求售。南山喺台灣嘅市場佔有率名列前三，資產質素同口碑都唔錯，但AIA為咗救母，惟有忍痛削肉。咁千載難逢嘅機會，自然引起台灣各大金融集團競逐。

咁嘅下場並非AIA獨有，上半年ING及英國保誠已出售台灣業務。呢兩間歐洲保險集團求售業務嘅原因，係因為歐洲實行新會計制度，若果佢哋唔賣，母公司就要增資。

內地業務缺水難撐

財力雄厚嘅外資喺內地暫時仲未出現賣盤案例，可能同牌照取得不易有關，但係資金困難就係事實。傳聞某歐洲保險商出現水源不足，正面臨人才流失嘅困難，若果情況改善唔到，將會改寫過去外資嫌中資夥伴無錢增資擴張嘅情況喇！

余絲韻