委鄭鑑銓專責管理

睇番按證網頁，呢位新高級副總裁叫鄭鑑銓（Desmond），市場消息話佢之前喺某間荷蘭嘅保險公司做，同樣係負責開風險管理，所以一到位就可發揮所長，好合按證心水。直屬鄭鑑銓嘅有按證嘅副總裁（精算及結構融資）蕭偉光。

計埋鄭鑑銓，按證依家總共有3位高級副總裁，另外兩位係管財務嘅廖志強及管業務運作嘅霍子俊。

據聞按證今次增聘人手，係有鑑於公司規模愈做愈大，覺得係時候搵個人返嚟專責管理包括投資方面嘅風險。

有議員經常質疑按證投資大損手，又話佢哋透明度唔高，仲要求佢哋去立法會解釋一下。依家按證增聘咗呢位專睇風險嘅高級副總裁，算唔算係回應咗市場嘅訴求？

余絲韻