隔晚美股唔爭氣，不過港股氣氛如虹，近兩日反彈近千點，下周一期指結算，加上月底半年結，大戶做番好啲亦好合理。只要大市回穩，鑊鏟友又點會放過，雖然市場氣氛仲係麻麻地，但唔少股仔高位回吐甚深，勤力啲隨時搵到寶。
今次反彈，古晨發覺早前較熱炒嘅股份動力曳咗好多，可能要多少少時間回氣，相反早前無咁熱炒嘅股份，反而可以留意，古晨就幾鍾意隻中航技術（00232），此股一向炒味濃，早前股仔狂潮中，其實都無咩炒過，但近期自高位0.345元都回咗成三成幾，算回吐幾深，不過，近日在0.25元已見支持，見有心人出來買番轉頭。
早前集團想改名叫「中國航空工業國際」，以正其身咁話，古晨覺得無啦啦改名，當然有後着啦，所以唔應該過分睇淡，現時回至低位，風險不高，暫時先睇0.34元，止蝕就定0.24元。
古晨