料兩副主席爭上位

依家該會嘅副主席一共有3個，分別係大福證券集團（00665）執行董事李耀榮、嘉信控股董事及總經理馮煒能同埋前時富金融服務集團（00510）行政總裁王健翼。

由於王健翼已離開時富金融服務集團，有估計今屆主席人選以李耀榮及馮煒能較熱門，當然最後要睇理事會投票如何。

去年金融海嘯令監管問題衍生，金融秩序亦要重新建立，經紀業界除咗要保住飯碗外，亦要面對唔少新措施，作為本港最大及歷史最長嘅證券經紀組織，主席並唔易做，非常忙碌。

新一屆主席除咗要關注影響本地業界嘅措施外，仲有一個更大嘅任務，原來證券經紀業協會今年就30周年，所謂「人生有幾多個30年」，咁難得，新主席梗係要帶領該會，慶祝吓呢個咁特別嘅日子。

余絲韻