佢話自己與太太當年抵埗美國時，兩口子只有50蚊美金，所以要靠「洗大餅」（洗碗）嚟支付學費。到畢業時，佢要到最後關頭先決定到哥倫比亞大學深造法律，因為可取得獎學金，由學校支付學費。

要學校豁免報名費

佢喺美國讀書時仲有一段小插曲，話說佢報讀阿拉巴馬大學（Alabama）新聞系碩士時，只用咗20分鐘，因為佢當時喺北京一家圖書館借咗本美國升學指南，首批學校就係Alabama，就係咁報讀咗。當年報讀時更加要學校豁免報名費，因為佢實在無錢支付。

佢有三個仔，最大嘅15歲，最細嘅7、8歲，佢希望囝囝同佢一樣到美國讀書，所以下周就會帶佢哋到美國搵學校。

唔少人批評佢欠缺監管經驗，佢承認要多學習，但認為自己嘅法律背景對監察會極度敏感，即係有信心啦！

佢亦相信自己可令北京信服香港嘅成功，對中國長遠有利。佢希望港交所與上海及深圳合作，但就沒有話要合併。

余絲韻