近日有唔少股仔抽水集資，不過市場大把錢，往往批幾多就接幾多，而且批完股後炒得更狠更兇。昨日各鑊鏟友埋頭苦炒之際，期指市場突然玩震倉，只見期指連穿兩個大位，跟住斬頭盤將期指直推落17,567點，高位回落成900點。正當個個目瞪口呆之時，期指又由低位反彈，不過咁樣震一震，成個市場氣氛都怯一怯，連帶股仔嘅動力都退減咗唔少，古晨記得今次已係近期第三次震倉，睇怕近期炒股，都係要邊炒邊
實個市。
實個市。
近期唔少股仔飛晒天，古晨就到維奧醫藥（01164）幾落後吓，四月底內地進行醫療改革，維奧曾炒過一轉，其後就回落整固，大大話話整固咗成個幾月，近期開始見壓抑不住，昨日尾市仲愈戰愈勇，完全唔理大市走勢。睇番自四月底開始，出現咗個小圓底回升格局，睇圖就靚晒啦，一於小注追入，勝在未升過，先睇0.27元，止蝕放0.18元。
古晨