面對空難綁架等風險

金占士翻查資料先發現，原來華為在最近四年裏面，已經有五個人因為空難出意外，公司國際化的代價可算十分昂貴。聽華為海外市場部員工講起，現在每日由香港起飛的國際航班之中，幾乎都會有華為員工，所以每次一有空難，大家都會求神拜佛，希望唔好在遇難名單上見到同事嘅名。

其實海外開荒過程中各種磨難，已經成為中國企業「走出去」時大家都要面對的問題。

金占士就記得，另一間電訊設備製造商在去年中，都曾經出現過有兩名工程師被塔利班恐怖分子綁架的事件。至於國企員工在非洲國家重病，又或者在中東被綁架更加時有聽聞。

聽間中資公司駐外員工講，對於瘧疾、搶劫呢類問題，大家一早已經習以為常，有部分被派去可以領取戰爭補助國家的員工，甚至可以聽住射擊聲同爆炸聲工作都唔會分心，為公司鞠躬盡瘁的精神，連金占士都要寫個「服」字。

金占士