BBVA三萬員工「受惠」

話說BBVA面對呢個咁難做生意嘅環境，都堅持盡量少裁員，不過就要員工放大假，絲絲覺得最體貼嘅係，佢哋要員工放3至5年大假，但仍然會畀番三成人工佢哋，仲繼續提供醫療保險添。

睇番資料，BBVA有成3萬個員工可以「受惠」，玩唔玩呢個「遊戲」就隨便員工，絕對唔係強迫性，仲講明員工可以喺放大假期間，重返校園或者陪多啲屋企人。

絲絲覺得，呢個計劃可以令原本想進修嘅員工，乘機拎番三成人工之餘，仲可以喺經濟周期轉好時再搏殺，對BBVA嚟講唔單止可以慳番筆錢，亦唔怕人才流失，到時金融業再起飛，大把「已增值人才」回巢，呢條計認真雙贏。內銀股成日話趁金融海嘯吸人才，如果外資行都學BBVA咁，睇怕要「刮」人都唔易。

余絲韻