放租收入唔夠供樓

蓋特納打算放售嘅紐約豪宅有五間大房，歷史悠久，喺一九三一年興建，兩夫婦喺○四年以一百六十萬二千美元買入，由於佢要去華盛頓工作，打算賣咗紐約市郊區嘅豪宅，想以一百六十三萬五千美元放盤，扣除經紀費同物業轉手稅嘅話，蝕少少都照賣，可惜樓市慘淡，幾個星期後減至一百五十七萬五千美元都無人要，最後迫於無奈，轉咗做租盤。聽聞間豪宅嘅月租七千五百美元，但咪以為租金回報率好高，查實佢間豪宅兩筆抵押貸款要一百二十五萬美元，仲要每年畀二萬七千美元嘅財產稅，好明顯係租金唔夠畀供樓錢。

其實蓋特納已積極推動振興樓市嘅措施，計劃用二千七百五十億美元幫助九百萬家庭，希望佢哋唔好斷供樓，如果房屋銷量好轉，連帶佢間豪宅都可以甩手，唔係就有排供。

余絲韻