本文重點
利信達（00738）最近搞咗個「皮鞋及手袋設計比賽」，畀啲大學、大專設計專業學生參加，目的當然係希望從中發掘「明日鞋星」，找尋有潛質嘅人才。絲絲知道，今次比賽嘅獎品相當不俗，組別冠軍有3,000元獎學金，如果贏埋總冠軍，仲有來回香港及東京機票，全部得獎者仲可以喺利信達實習4至8星期，學習專業設計嘅知識。
本地設計學生比併
佢哋今次比賽嘅主題係「精彩人生Stunning Life」，點解會用呢個主題？利信達話雖然經歷金融風暴，而且出現新流感病毒，但係應該以積極嘅人生觀去面對困境，所以就用咗呢個題目。
參賽組別有3個，分別係「閃亮奢華」、「都市型格」同埋「活力休閒」，好明顯利信達想參賽者以不同嘅生活角度表現主題。可唔可以得到評判嘅垂青，就要睇吓本地設計專業學生嘅功力。比賽結果最快喺七月中公布。
余絲韻