傳統智慧話「五窮、六絕、七翻身」，但剛剛過去嘅呢個五月，恒指不但升穿18,000點，創過去八個月以來的新高；全月上升3,215點，升幅達17.1%，更是過去三十五年以來升幅最大的一個五月。所以，○九年呢個五月，相信最「窮」的應該是一眾淡友。
淡友再度敗退，早前提過嘅網上熊仔黨，亦宣布最後防線為18,300點。數一數，依家市場上收回價為18,300點的熊證就仲有9隻，街貨量達3.71億份。到底誰勝誰負，筆者拭目以待，但就唔太建議再參與其中。
另外，今日係通用汽車生死存亡的最後期限，若不能向美國政府提交一份足以令公司恢復財務穩定的計劃，通用將需要進行破產重組。不過，不論市場以至美國總統奧巴馬，似乎都認同，破產是通用唯一一條可行之路，因此相信，結果唔會帶來太大驚訝，反而負面因素消除，市場隨時將之當作好消息看待！
（小尾）