港股愈挾愈高，但股仔經過一輪瘋狂派對後，上周反而放鬆手腳，當中唔少股仔批股集資，的確打擊了市場氣氛，不過未見有大散迹象，而且炒完一輪回吓氣亦屬正常。上周三見大價股重新起動，啲股仔即時炒唔起，始終現時屬資金市，一切由資金話事。
上周五隻航天控股（00031）又見積極起動，相對其他股份，航控今轉算是大落後，早前受制於250日線，在0.5元附近見收集多時，其後一舉攻破250日線，動力顯著增強。去年五至六月間，母公司曾連續11次增持其股份，涉及股數達5,000萬股，平均價為0.95元至1元，現價計該批增持貨母公司仍要坐艇，現時市場氣氛轉佳，理當借勢炒番上去，唔通要母公司長期帳面出現虧蝕咁失威咩。上周五見出現旗形突破，成交亦見配合，量度計可見0.9元，止蝕位可放於上周一頂位0.65元。
古晨