本文重點
絲絲早前睇國際羽毛球賽時，見到穿上一身李寧品牌運動裝嘅中國國家羽毛球隊，贊助商李寧（02331）嘅CEO張志勇大讚公司員工多才多藝，話佢哋唔單止設計運動衫叻，有個員工更輯錄自己唱嘅歌，燒咗一隻音樂CD送畀佢。
張志勇獲贈員工CD
張志勇尋日同絲絲講開呢項羽毛球賽，佢話有唔少中國人喜歡打羽毛球，呢個市場發展潛力唔可以睇小，日後亦會成為公司嘅增長動力。期間絲絲見到佢攞住隻CD，原來係員工送畀佢嘅禮物，佢話呢隻唔係一般嘅CD，係員工輯錄自己嘅歌曲，故一定會聽呢隻CD。
絲絲仲見到佢攞住一本經濟學嘅書，問佢會唔會考慮自己寫書，佢笑笑口話唔會，不過喜歡將自己管理公司嘅心得同人哋分享，絲絲覺得佢管理公司咁成功，不妨考慮吓寫有關公司管理嘅書，應該會幾受歡迎。
余絲韻