本文重點
自從舊年金融海嘯爆發以來，好多華爾街金融專才都畀人裁咗，嗰陣時中國主權基金——中國投資亦希望趁機吸納金融專才，為公司日後發展奠好基礎，估唔到呢排中央宣布會將上海建成世界金融中心城市後，又多咗歐美金融專才希望到上海一展拳腳。
滬企紛紛海外招聘
絲絲喺上實（00363）有位老友話，其實上海要建成國際金融中心，最核心要做嘅事就係吸納多啲金融專才，所以上海家陣有好多企業都開始海外招聘，咁啱早排呢位老友又去歐美參加會議，在場有唔少歐美金融業專才向佢打聽去上海做嘢嘅路數，佢哋話中國係新興市場大國，而上海又係中國未來銳意發展嘅國際金融中心，家陣歐美金融業界畀金融海嘯搞到腥風血雨，真係無乜前景可言，倒不如去新興市場一展所長，話唔定有得發圍。
老友聽完都覺得佢哋好識諗，即時拍心口應承返到上海幫佢哋物色好路數。至於上實會唔會向海外招聘專才，老友話暫時未有，事關上實喺香港同上海都有唔少專才啦。
余絲韻