本文重點
因延長董事禁止買賣期一役而大出風頭嘅上市公司商會，尋日公布新主席名單，由鷹君集團（00041）主席兼前上市委員會主席羅嘉瑞當選，接替剛卸任嘅何猷龍，任期不超過4年。
羅嘉瑞自從退任港交所獨立非執行董事及上市委員會主席後，近年已轉低調，如果唔係延長董事禁止買賣期呢單嘢，佢都未必會企出嚟反對。佢認為延長禁售期令大股東好難對抗敵意收購，事件由去年十二月一直擾攘到今年二月，羅嘉瑞亦四處奔走進行游說，最後皇天不負有心人，上市委員會決定讓步，將禁售期由7個月減到3個月。
熟悉政策實會出聲
今次羅嘉瑞做上市公司商會主席，制訂上市政策嘅部門同監管機構肯定要打醒十二分精神，因為佢對上市政策非常熟悉，一發現有咩唔妥，肯定會出聲！
上市公司商會尋日仲同時宣布，委任中國人壽（02628）董事長楊超出任該會名譽會長。
余絲韻