本文重點
一級方程式賽車係團體合作嘅代名詞，絲絲知道，花旗香港環球個人銀行服務行政總裁及總經理盧韋柏（Weber）親自披甲上陣，帶領一班管理層，介紹佢哋新嘅F1計劃畀同事，仲整咗款電腦遊戲畀同事玩。
尋日Weber知道同事辛苦，一早就同管理層去各部門周圍走，派「窩心花蜜」畀同事潤吓喉，之後就介紹佢哋嘅F1概念，即係「First Contact Resolution and One Stop Handling」，務求要同事一站式解決客戶要求，仲要主動幫客戶解決問題。
員工打Game突擊考問
為咗宣揚呢個新理念，Weber同管理層化身成新遊戲入面嘅F1車隊，花旗同事就好似玩賽車遊戲咁，不過一去到啲彎位，Weber就會彈出嚟問客戶服務問題，答啱先有得繼續。絲絲認為花旗對員工打機時嘅感受都好貼心，因為玩賽車遊戲最怕就係上直路唔暢順，佢連設計問題都喺彎位先出現，真係唔怕玩得唔盡興，對員工都咁細心，睇嚟客戶有要求都一樣會路路暢通。
余絲韻