本文重點
喺金融海嘯下，被無良老闆拖糧嘅打工仔大有人在，但就連堂堂上市公司嘅董事長原來亦劫數難逃。喺內地已被列為ST股嘅東碳，其董事長黃彬被拖欠半年人工，去年只領取14,250元嘅薪酬，並因而被投資市場賦予「A股市場最窮最累董事長」！
內地448公司阿頭棄薪
東碳由於籌劃重大資產重組而停牌，據黃彬本人向媒體所講，自去年四月獲大股東推薦出任東碳董事長以來，只喺去年九月支取呢萬幾蚊嘅薪水，佢本人嘅月薪原本亦只有2,800蚊，而佢被公司拖糧當然就係由於公司嘅財政問題，而要解決呢個困境，就只有待公司嘅重組完成。
黃彬呢位「A股市場最窮最累董事長」雖然可能係特殊例子，但由於經營環境欠佳等因素，內地去年原來亦有448家上市公司嘅董事長係放棄領取薪酬，就例如平安保險（02318）嘅董事長馬明哲，早前就已經公開表示會自願放棄○八年嘅薪酬，而喺金融海嘯下，上市公司嘅老闆亦確要以身作則，才能鼓勵旗下員工上下一心共度時艱！
余絲韻