只求性滿足
至於另一位索女菲菲，由於工作關係，佢每晚都有好多機會接觸異性，以佢咁得天獨厚嘅條件，基本上要搵個男人拍拖，確實一啲都唔難。不過菲菲到目前為止仍保持單身狀態，佢表示：「身邊有好多姊妹鍾意喺工作嘅地方找尋另一半，但係我就唔會嘥埋呢啲時間，因為拍拖對於我嚟講，太唔實際喇！」有人錫有人陪有人畀錢都仲嫌唔實際，使唔使要求咁高呀？菲菲就話：「或者我本身際遇唔係咁好，每次同我拍拖嘅男人，無非都係想肉體上得到滿足，咁即係性伴侶關係啦！點解我唔可以好似佢咁只求滿足呢？」
講得出咁嘅見解，難道菲菲喺情路上有過刻骨銘心嘅創傷？「又唔可以咁講，只係我覺得天下間實在有太多冇品嘅男人，一個好男人都遇唔到，令我對愛情失去信心。同樣，我認為獲得性滿足，比愛情更矜貴，你係男人，你明啦！」菲菲確實有佢嘅道理嘅。
食得唔好嘥
剛才菲菲就話男女朋友等於性伴侶，男人聽到當然無任歡迎啦！但掉轉頭咁諗，菲菲又會唔會覺得蝕底呢？菲菲就話：「你咁講又錯喇，都係各取所需，話唔定個男人畀我榨乾呢？男人風流快活，女人都可以到處留情！再講吖，肉體上滿足唔到我，咁咪物質上平衡番囉！」
而冰冰就搭嘴話：「都係㗎！遇到合眼緣嘅男人，梗係要主動出擊啦，扮上菜反而益其他人，所以我係絕對唔會放過任何機會，唔理好食、難食，一於食咗至算，唔係點知自己真正需要啲乜嘢喎！除此之外，雖然要主動出擊，但埋身都非易事喎，因為有啲男人好蠢，點極都唔明，所以最有效方法，都係用身體挨吓掂吓，扮小鳥依人，表現出溫柔一面，簡單嚟講即係主動投懷送抱，男人必定會心動兼身痕，但出手高定低，就要睇你經驗喇！」計我話，好似冰冰同菲菲呢類索女，就算手口都唔出，一樣大把男人爭啦！
最怕追魂call
曾經聽一位女同事講過，由於男人好易身痕，睇少陣都會想偷食，所以每隔三十分鐘佢就會打電話畀男友一次，要對方報告位置同做緊乜嘢。
聽見呢番說話之後，真係戥佢男友慘情，拍拖啫，使唔使搞到好似犯人咁呀？現於澳門利×夜總會工作嘅冰冰就有類似嘅經歷，佢話：「我都曾經試過對前度男友實施管制政策，限佢隔一段時間就要向我報告行蹤，如果電話收唔到或冇電，都要喺十分鐘之內想辦法解決，否則就會畀我破口大罵兼成個禮拜唔睬佢。當時真係冇諗過咁樣對人，原來會令到對方好辛苦，直到早排識咗另一個男友，佢竟然好似我以前咁，不斷以追魂call方式對待我，以為咁做就會令我冇機會紅杏出牆，真係黐線！老實講，我一直以為拍拖係一件好開心嘅事，但先前所講嘅經歷，已經完全改變咗我嘅心態。」試過呢啲不愉快嘅經歷，難怪冰冰唔想要男朋友啦！
菲菲
年齡：21歲
三圍：33-24-33
興趣：跳舞
冰冰
年齡：21歲
三圍：32-23-33
興趣：唱K
撰文：娟娟
攝影：強