豬流感在美洲擴散，香港有過沙士經驗，今次唔會再倒瀉籮蟹，不過變種病毒未知會令全球經濟帶來幾嚴重損失，投資市場頓添不明朗因素，港股難免受壓。恒指萬五關得而復失，昨日跌2.7%，內地股市亦見沽壓，深滬兩地股市跌逾1%。
大市跌勢甚為全面，除咗一類股份逆市上升，就係有機會發「疫症財」的醫藥股，昨日逆市上升，表現出色。以出售中成藥為主的位元堂（00897），昨日升4.8%，表現相對落後。但凡有疫症爆發，注射疫苗係最好預防方法，但今次呢隻變種豬流感，暫時未有疫苗可供注射，咁最佳預防方法當然係保重身體，唔好畀自己咁易「中招」。
位元堂除中成藥外，亦有多種保健食品及藥品出售，估計呢段時間保健產品銷量將急增，對股價帶來正面刺激。昨成交未見顯著增加，若成交配合，走勢將見突破，短線上試0.15元，跌穿0.122元止蝕。
古晨