本文重點
樓價回升，加上多個新盤熱賣，之前裁減唔少員工嘅代理行重新請人，美聯（01200）陳坤興同Vincent講，公司會在今日舉行金融海嘯後首個招聘會，整個招聘計劃目標請多幾百人，以前線員工為主。
政府推短租地唔好嘥
陳坤興又話，集團會以謹慎態度重開之前關閉咗嘅分行；另預計今年上半年一手成交量會升到5,500至6,000宗，二手料達約3.7萬宗，樓價更會回升逾10%，而代理持牌人數可望保持2.2萬人。
另世紀21富山亦積極請人，該公司柯興捷話，配合譽‧港灣銷售專門店，公司會大量聘請持牌營業員，更會搞培訓班。
政府為地盡其用，不時會將暫時未賣得嘅地以短約形式出租，希望在空檔期內賺番少少。地政總署啱啱推出招標嘅三幅短租地，包括在勾地表嘅紅磡灣紅鸞道與建灣街交界商業地，由於估計最早可以在今年十二月賣，所以Vincent估計政府為免因小失大，訂下的短期租約只係按月計，方便隨時收番幅地，而出租嘅地皮面積約9.15萬方呎，作公眾停車場用途，五月八日截標。
（Vincent Lau）