本文重點
正所謂「風水輪流轉」，昔日來自內地嘅消費者被稱為「表叔」，如今卻被視為具消費力嘅豪客，睇吓喺金融海嘯下，訪港海外遊客顯著減少，但尖沙咀名店區仍滿街同胞一袋二袋便可知一二。
炒港股唔使等通車
其實唔單只係旅遊業，證券行業亦如是。雖然目前「港股直通車」尚未正式通行，但所謂「上有政策，下有對策」，內地客要透過香港券商買賣港股總有其辦法，例如透過香港券商喺內地嘅辦事處開戶。由於呢批客喺網上做買賣，且為現金交收，交易量又唔細，你話卜架行老闆見到呢啲客點會唔嗒糖？
有卜架報料，某老牌華資卜架行近年積極吸納內地客源，生意唔錯，而呢位年屆九旬、投資眼光獨到嘅卜架行老闆，最近更睇準機會，喺上環掃入一個逾兩千呎嘅寫字樓物業作自用，真不愧為股壇不倒翁！
余絲韻