作為這次金融海嘯的源頭，美國房地產市場的問題仍然餘波未了，並且由個人住房開始蔓延至購物商場。上個星期，美國第二大購物中心運營商General Growth申請破產，成為美國地產業有史以來規模最大的破產案之一，但受影響的唔單只係美國，據知，就連日本以及西班牙房地產業巨頭，都先後向各自國家法庭申請破產保獲。
外圍市況唔知幾時至復原，難怪總理溫家寶都重申，話國家依家經濟主要都係要靠內需來支撐。不過講開又講，雖然不斷有消息話內地經濟復甦，又話新增貸款激增，企業、發展商們資金充裕，就連內地樓市交投亦都暢旺番咁話，之但係同時內地亦有統計指，現階段願意出手購房的人只係佔13%，而認為依家樓市仍未真正回暖的人，卻高達69%，由此可見，若謂內地樓市回暖，似乎是言之尚早。
（小尾）