已經做咗人媽咪嘅「假混血」經常現身公開活動賺外快，見報率奇高！其實早喺佢佗緊BB嘅時候，已經成日現身，但次次都唔肯講BB性別同預產期，所以有好多品牌唔諗住再邀請佢，因為一個話題講十次都悶啦！
點知佢為人主動積極，竟然走去聯絡公關，又肯自動減價，試過有一次仲承諾會喺活動上透露BB性別，咁個公關見有新料，最後都有請佢做嘉賓。無奈佢對住記者又係另一套，最終話要保持神秘唔講得係B仔定B女，結果個公關被公司照肺，於是打電話去問「假混血」何故講一套做一套，點知「假混血」扮晒嘢，話從來冇講過會喺活動上公開BB性別喎！可憐個公關硬食一嘢！
