人生要有高低起跌，咁樣至夠挑戰性同刺激性嘛！至於睇靚女方面，一樣唔可以平平坦坦猶如平板電腦，一定要夠玲瓏浮凸，愈突出愈好，好似今日同大家介紹嘅伊織菴就係最佳人辦喇！
近年有好多網紅加入日本寫真界，當中最具人氣嘅一定係擁有童顏巨乳，調皮又鍾意搞笑嘅RaMu喇！佢雖然細細粒，但係心口嗰對重量級H奶極之突出，身材曲線相當明顯，所以又被稱為來自二次元空間。提到身材激凸誇張嘅寫真女優，今日同大家見面嘅伊織菴比RaMu猶有過之！
今年20歲嘅伊織菴最近才出道拍寫真，但係好快就被雜誌睇中邀請做封面女郎，如果大家近日會去日本嘅話，就會見到菴妹穿着鮮艷水着大騷噴血身材嘅封面照喇！提到阿妹嘅身材，獲寫真業界稱為「究極之曲線美身材」，除咗胸前一對軟彈適中嘅極品J奶體積驚人，其腰肢亦只得23吋咁幼，將上圍襯托得更加高聳入雲！此外，菴妹嘅手腳亦夠纖幼，令身材睇落更加纖巧修長。
雖然伊織菴有咁多優點，但係人冇完美，阿妹當然亦有缺點，就係有少少哨牙喇！就係因為咁，菴妹拍寫真嘅時候只會微笑，甚至索性扮Cool唔笑。計我話，呢個缺點其實都唔係咩大問題，話晒拍寫真唔一定要笑，況且阿妹單靠胸前對J奶已經夠晒吸引力，如果唔係佢首部寫真映像作品《Milky Glamour》嘅預售數目都唔會喺寫真偶像碟排行榜名列第二位啦，足見佢深受寫真迷歡迎。
除咗隆重推出寫真碟之外，最近伊藤菴亦頻頻出席各大小攝影會，慢慢累積人氣蓄勢待發，相信好快就可以好似RaMu咁成為雜誌及電視台嘅寵兒啦！
簡介：近期伊織菴主要出席攝影會活動，另外亦會拍攝水着寫真，並將花絮上載到社交網同大家分享，提供刺激性極為強大嘅視覺娛樂。
網址：https://twitter.com/iocos69
年齡：20歲
身高：5呎
三圍：36J-23-36
撰文：賢