定欣爆豹哥豹嫂 出街食飯例嗌交
藝人林盛斌（Bob）、胡定欣及胡蓓蔚（豹嫂）昨日到馬鞍山出席強心賽跑活動，去年接受「通波仔」手術的Bob自認依然為食：「一星期食一個公仔麵，都唔算好多，我有做運動o架，就係去焗桑拿。嚟緊暑假我都會再入院，通埋另一條血管。」即被定欣及豹嫂噓爆。他又笑言唔戒口影響夫妻感情，定欣笑言：「我諗就嚟友情都受影響。」
至於豹嫂自爆父親患心律不正，故非常注意健康，定欣即爆她與老公邊食飯邊吵架：「因為豹哥（單立文）出街食飯乜都想叫，豹嫂勸唔掂就嘈起上嚟，仲試過喊，佢都係錫老公啫。」豹嫂又稱一年前接受身體檢查，幸一切正常：「我老公有條血管塞咗，不過嗰條對生命冇構成影響。」
