黎耀祥密謀移民養老阿仔搞禍

視帝黎耀祥昨日到紅磡出席活動，分享育兒之道。受訪時提到早前放售「風水屋」，他說：「層樓買咗十幾年，依家先賺得嗰幾球（幾百萬）。（點解賣？）樓市冇埋由只升，覺得咁上下咪套現囉，依家租樓抵過買，都有睇緊再入市嘅。有朋友提議我哋海外物業投資，好似加拿大咁，回報都幾好，又唔似香港樓市咁癲。」為何不索性在兒子的留學地置業？他坦言：「有問過，不過佢打算兩年後畢業返香港做嘢，本來我仲諗住佢帶挈我哋兩個老嘢移民添！」