樂易玲嘲情史抹唔走！吳業坤開騷征服世界
歌手吳業坤昨日在戲院為4月19日的紅館騷《吳業坤小句號演唱會2019》舉行記者會，獲無綫高層樂易玲及唱片公司高層Tommy送上成績表，樂易玲笑他：「嚟緊升中學，過去嘅事抹唔去，包括緋聞。」期間見他全程抹汗，十分搞笑！
受訪時坤坤表示現時有操體能，希望演唱會可以騷肌，又透露邀得田蕊妮做嘉賓：「佢好仗義幫忙。（緋聞女友薛家燕呢？）一山不能藏二虎。（開多場請佢嚟咪得？）睇吓加唔加到場啦，咁就皆大歡喜。」他笑稱門票今天開售，可當做情人節禮物。講到「成績表」得音樂科攞甲，其他科目全是丙，他笑言最重要有突出的一面：「做人太優秀好辛苦，咁樣先可以同大家一齊成長。」
一世夠運
提到「巨聲幫」中只有他第二次開紅館騷，難怪他笑言一世夠運：「由比賽開始已經有運，其實之前參加過亞視歌唱比賽，但入唔到，入咗嚟TVB之後就好好運。」記者打趣指TVB很旺他，他笑言：「係呀，唔走o架啦。」
問到還有甚麼目標？他笑言想開世界巡迴演唱會：「征服全世界。（好似張學友咁？）唔敢，開10場已經好好。」又想將緋聞畫上句號：「希望大家慢慢將呢樣嘢減退。（但樂小姐話過去嘅緋聞抹唔到？）向前看。」