青雲謝票初體驗 嘉欣教路笑騎騎

英皇電影《廉政風雲 煙幕》票房成績理想，截至昨晚十時，累積票房達2,370多萬，而一眾主角及演員劉青雲、林嘉欣、湯怡、吳浩康、何遠東及導演麥兆輝，昨晚更連走多間戲院進行謝票。

第一次謝票的青雲起初相當緊張，不時問工作人員正確的站立位置，與現場觀眾打招呼時又口窒窒：「我係劉青雲，我今日係第一次嚟謝票！」幸而經過一輪熱身後，他即回復生鬼本色，笑言終於可以與湯怡一齊睇戲，既搞氣氛又與大家玩遊戲派利是，令現場觀眾情緒高漲。

青雲與嘉欣即場派利是，觀眾們舉晒手搶住要。	《廉政風雲 煙幕》場場爆滿，一眾演員與戲迷打成一片。	經嘉欣教路後，青雲愈玩愈放狂搞Gag。

青雲與嘉欣受訪時，坦言很開心票房理想，青雲說：「台前幕後宣傳都好努力，依家收得當然好開心，我係第一次謝票，啲宣傳人員叫我靜靜哋喺度扮觀眾。」之後他叫嘉欣傳授謝票心得，嘉欣說：「笑吓咪得囉！」青雲笑言：「即係如果一陣啲觀眾問青雲你喺度做緊乜呀？我就騎…騎…騎咁笑？」

青雲同嘉欣與觀眾近距離互動。	導演麥兆輝笑言續集可能由何遠東做主角。	一眾主角昨晚連走多間戲院謝票。

何遠東續集擔正？

導演麥兆輝對成績表示滿意，問到續集會否是賀歲片？他說：「好難講，劇本行先，呢套電影都寫咗9個月。（原班人馬拍？）未諗，但有啲都可以繼續嘅，好似青雲、林嘉欣呢一對，同埋何遠東，下一套可能何遠東做主角呢！」何遠東即大表驚訝，開心到說不出聲。

吳浩康未有翻撻

至於單身的吳浩康及湯怡，被問到情人節會否很Dry？吳浩康說：「都係咁啦！（唔係翻撻鍾舒漫咩？）呢啲係大家嘅想法，如果我同佢關係上有想法，唔會同大家講，何況依家都未有打算。」湯怡就透露未收到花，坦言女仔都希望有人錫。