藝人吳業坤昨日出席活動時透露拍罷邵氏網劇《飛虎之雷霆極戰》的飛車戲份便收爐，會抽空行年宵認識新朋友及買桃花：「都想買棵，趁年初一凌晨去執平貨。（剩番多數係爛桃花！）唔會，係靚嘅就會遇到！」今年他已準備好利是，還親自設計利是封：「我先小人，希望大家唔好介意個面額，利是封係誠意搭夠，專登印都貴(口架)！又有收藏價值。」年初七會出席電影慶功，希望收利是幫補他派利是的錢。
