胡琳新手人妻臨急抱佛腳
去年秘婚下嫁圈外男友的歌手胡琳，首年以人妻身份過年，首要就是辦年貨。日前她在上環安記買海味，獲老闆潘權輝親自教授海味常識，對於複雜的浸鮑魚、發花膠，她坦言一竅不通：「以前屋企長輩會搞晒，依家要自己負責，去到海味店先知有好多嘢要準備，自己完全一舊雲！」
問到生B計劃，胡琳說：「有，但唔係年頭嘅事，要忙完手上嘅工作先，嚟緊會做林子祥演唱會嘉賓，今次有好多音樂劇元素，好特別、好期待！（有冇壓力？）暫時未有，我係遇強愈強嘅人，大前輩畀機會我，真係好興奮！」她打算年底積極造人：「呢樣係上天嘅禮物，我哋會努力。」