他接受電話訪問時說：「今日係我哋拍拖周年日子，求婚籌備咗一段日子，我尋晚緊張到失眠。（好大粒鑽石？）都成十幾萬，有兩卡，原來求婚唔簡單，我表白時激動到喊，不過女友都有喊。」又否認女友有BB，更搞笑說：「你問陸永有冇同佢老婆求婚？」
辛尉允嫁梁佩瑚細佬
另外，謝霆鋒初戀情人、歌手辛尉（戴思聰女兒）前晚亦答應拍拖19年、前港姐梁佩瑚的歌手弟弟焯皓求婚，她更開心得攬着男友狂吻，她在電話中表示：「嗰晚去梁佩瑚屋企食團年飯，飯後話玩遊戲，我就蒙住眼入咗間房，原來佢準備求婚，嗰刻我心諗：『點解唔早啲呀？』最搞笑係我冇喊，我阿媽就喊，佢就同我講就算我唔答應，佢都會錫我同照顧我阿媽，我真係好感動。」