緋聞情侶蔡思貝與余德丞（Dickson）昨日到尖沙咀出席活動，不時深情對望，相當冤氣！二人首度同台合唱，但唱到第三句已甩嘴，重唱時又輪流忘詞及甩嘴，全場大笑。思貝說：「唔可以睇小合唱，Dickson唱咗我嘅歌詞，令我唔知點入，所以甩嘴，希望下次唱好啲。」對於Dickson獨唱求婚歌《我的宣言》，思貝大讚好聽，冧爆畀滿分，又突然情深望實對方問：「你會唔會遵守對我嘅宣言？」嚇得Dickson說：「我對住全場朋友唱(口架)喎！」
二人透露於新電視電影中飾演情侶，問到有否親熱戲？Dickson說：「有共處車廂嘅戲。（車震？）架車郁前郁後都有震兩下。」席間，思貝父母及Dickson媽咪都在場，二人表示已見過家長，思貝更指媽咪讚Dickson好男仔、陽光又識照顧人，Dickson則說：「我媽咪就冇乜反應，都有讚幾好。」