阿嬌中流感要隔離Kenny捱義氣頂替執垃圾

關智斌環保意識加強，呼籲大家愛護環境。

關智斌表示是首次執垃圾：「其實想做好耐，覺得好有意義，本來阿嬌嚟，但佢中咗流感，所以由我頂咗佢，佢好熱心，尋晚仲話瞓醒一覺就嚟。」問到阿嬌現時情況？他拿出電話播出阿嬌聲沙沙的聲帶，表示已退燒，但仍未康復要自我隔離。問到她豈非不能見老公？Kenny說沒有問：「佢話唔該我幫佢做呢個活動。（你捱義氣幫佢？）唔係，係點解唔一早搵我？我想執垃圾，呢幾年我嘅環保意識強咗好多，有機會做呢啲義工，我義不容辭。」又說現時少用膠樽裝水，會自備飲管、保溫杯及環保袋。

洪卓立情人節唔Lonely

首次做義工清理垃圾的洪卓立（Ken）亦希望可以起到少少效用：「源頭最緊要，唔好亂扔垃圾。」許靖韻（Angela）中學時期做過類似的義工：「我哋點對大自然，大自然就會點樣對番我哋，所以環保好緊要。」

阿嬌病咗要隔離，仍然想出一分力。	關智斌（左）、洪卓立落手落腳在海灘執垃圾。	許靖韻執到身水身汗。

農曆新年將至，Ken會與家人到內地拜祭婆婆，而之後的情人節，單身的他不覺得特別感觸及Lonely：「都幾Happy吖，呢排係咁做運動，都有識咗新朋友。（識女仔？）有男有女啦！（有冇啱嘅人？）唔諗呢啲，呢半年識咗朋友一齊做運動，都好開心，熱血同勤力咗。」而Angela農曆新年會去貴州工作，之後到新加坡會合家人旅行。