江嘉敏搭路幫細妹入行？
無綫小花江嘉敏昨午到荔枝角出席賀年活動，即場與小朋友玩遊戲。她表示以往要幫手照顧一對妹妹：「細嘅14、15歲，大嘅17、18歲，我睇住佢哋仲要做家務。佢哋話依家媽媽年輕化，同佢哋出街，佢哋會拖實我叫媽咪，真係畀佢哋激死！」
問到兩個妹妹有冇「明星相」，她笑說：「細嗰個好怕醜，話暑假叫我請佢做助手。大嗰個口才幾好，可以考慮做司儀。（你同男友會閃婚生B？）大家都搏殺緊。（農曆新年見家長？）唔知佢有冇假放，我就會同屋企人返鄉下探親。（新年願望？）瘦啲，食好多蘿蔔榚都唔會肥，公司幫我接咗啲廣告同電影，嚟緊希望多元化發展。」