鄧月平四川攞料推出靈異書
藝人鄧月平昨日與簡淑兒到尖沙咀出席慈善活動，她透露農曆新年將返四川探親兼「取經」：「嚟緊我會出靈異書，想搵啲親戚搜集資料，佢哋有啲識捉鬼嘅！」談到與靈體接觸，她說：「近日試過喺電台宣傳新歌，突然聽到怪聲，加上好似就嚟講唔到嘢咁，我即刻同主持講，唔好繼續呢個話題。」
帶病上陣的簡淑兒說：「有朋友喺外國返嚟，我跟佢哋返鄉下，點知返嚟就低燒同咳，佢哋都病咗，好彩依家大家都好番好多。」被傳不續約而遭經理人公司投閒置散的她，將「組團」到日本旅行：「去滑雪，今次想試吓正式上堂學。本來農曆新年返美國探親，但發現機票好貴，依家諗住留港同陳婉衡去露營。」