老公猛講生Ｂ 翠如勒令封口：買菠蘿佢跪！

翠如獲大會送贈老公蕭正楠的人形紙板公仔。

翠如先笑言自當人妻後，一直未有時間為老公蕭正楠下廚煮早餐：「叮嗰啲算唔算？」及後提到日前阿蕭自爆家族繁殖能力強，翠如謂：「佢專講埋呢啲嘢。（咁你一於『體罰』佢！）要問呢度借啲清酒杯畀佢跪，要學習言行舉止優雅啲，我哋家教好嚴。依家唔啱時節買榴槤，我改買菠蘿佢跪。」提到造人計劃，翠如稱新年忙開工，拍到4月，6月又開新劇。問到老公有否明示要生B？她說：「佢明示要我學煲湯就有。」

• 翠如落手布置蛋糕冧老公。