洪金寶盡量長命啲見證孫仔結婚
武打影星洪金寶昨日到柴灣為「第43屆香港國際電影節」焦點影人特刊拍攝封面，現場展示他於1987年拍攝電影《東方禿鷹》的劇照，他表示這套電影甚有代表性：「當時冇乜人拍呢類事件，拍完先知香港嗰陣對國家民族意識較弱，始終係英聯邦法律下長大，要讚吓李小龍，到佢出現，香港人嘅民族性強番好多。」
他表示今日到貴陽拍戲，農曆新年再與家人到日本旅行，問是否兒子洪天明畀錢？他笑說：「阿仔個老竇請，有大食大。」講到早前慶祝67歲生日，他表示最重要是一家人在一起：「大孫仔送咗頂絨帽，細孫送條大圍巾，啱用！（生日願望？）長命千歲，百歲唔夠，盡量長命啲，同啲後輩孫仔一齊生活，見到佢哋娶老婆生小朋友就更開心，希望五代同堂。」