妻谷兩女做童星 陳曉東：推佢哋落火海
歌手陳曉東昨日接受電台訪問，講到連月留港為3月紅館演唱會宣傳，問到可有掛住北京的家人？他說：「有掛住兩個女同老婆。（不如搬返嚟香港。）冇乜所謂，都係搭一程飛機。」他笑言現時日日獨守空房，孤伶伶一個要叫外賣，被問到叫「外賣」？他即笑言：「食得落肚嗰啲。」
問到個唱可讓女兒上台演唱？他說：「冇諗過佢哋咁受歡迎，佢阿媽日日度橋睇吓有乜畀佢哋做，要打敗其他童星，想推佢哋落火海，我就覺得唔使咁早，畀佢哋當玩就得，想佢哋保留番啲童真，亦唔想令佢哋有種優越感，覺得與眾不同。」
對於被指似DJ余迪偉，他抵死說：「係呀，叫佢落嚟影合照喇，佢近排靚仔好多，瘦咗好多。」