劉倩婷女人大晒老公耳仔任搣

每晚劉倩婷都為老公按摩，為生活添上情趣。

劉倩婷（Sandy）為東網巨星節目「海馬牌床褥特約」《閨蜜睡房》擔任嘉賓，與主持李惠儀（Kiwi）分享家庭樂，暢談與老公李丞責的浪漫生活，自爆老公在家中會被她與女兒欺負，她笑說：「始終屋企女仔多，佢又好享受畀我哋話事，阿女話乜佢都話好，阿女好鍾意搣佢耳仔。」

按摩添情趣

回憶與老公相識經過，她表示兩人因為拍攝無綫節目而相識，彼此合作了3個月，她笑說：「每日我都問佢不如畀幾句貼士我，但佢係一個拉鏈嘴，唔肯講，直至成個節目完晒，佢就同我講我嘅一生，我諗佢有啲玄機嘅，之後我哋就撻着喇。」

劉倩婷與老公因合作節目而撻着。

劉倩婷與主持Kiwi分享婚後生活。

講到浪漫，Sandy這位賢妻每晚都會為老公按摩：「我覺得按摩已經好浪漫，其實我哋鍾意嘅嘢好簡單，飲吓紅酒，一齊睇吓電視劇、電影，我覺得係最浪漫。」想知道更多她與老公之間的生活情趣，千萬別錯過逢星期五、六、日更新的《閨蜜睡房》。