湊B勁熟手梁靖琪被姊妹「催生」

藝人梁靖琪（Toby）、文頌嫻及姚樂怡昨日在灣仔接受周家蔚與劉永健主持的ViuTV節目《友台VIP》訪問，並下廚大展廚藝。文頌嫻透露平日由工人姐姐煮飯，她一下廚就是煮鮑參翅肚；Toby也煮得一手好餸，新年會整豬手、冬菇及花膠，多得父母自細的訓練及欺騙她看《阿信的故事》，令她愛上下廚，周家蔚笑說：「咁你年廿八過嚟我屋企幫手。」怎料Toby派檸檬：「湯盈盈已經Book咗我！」文頌嫻笑指Toby男友很幸福，Toby即說：「開心嘅，多謝關心。」
姚樂怡（右）與Toby拖實唔放，果然係好姊妹。
姚樂怡（右）與Toby拖實唔放，果然係好姊妹。

Toby又表示上得節目就預了姊妹催婚，文頌嫻笑說：「我哋唔會，反而會催你生B。佢好叻湊BB，有佢喺度唔使要工人姐姐，每次去旅行，都係佢幫我哋照顧BB。」但問到會否「先有後婚」，Toby笑說：「應該唔會，順其自然啦！」

文頌嫻（左起）與周家蔚你一言我一語，催Toby生BB。
  • 文頌嫻（左起）與周家蔚你一言我一語，催Toby生BB。