莊思敏新年回鄉相睇
藝人莊思敏昨日現身有份投資的點心店，宣布與卡通人物My Little Pony合作。提到近日有食品驗出致癌物超標，她揚言對食物要求很嚴謹，更會突擊巡舖：「開頭員工唔係好慣，有個員工仲好憎我，因為有次我嚟到，兜口兜面撞正佢出去蛇王，佢行轉背就鬧我，畀我朋友聽到，係私人恩怨，唔會炒佢，我都算係好老闆，會講道理！」
她又透露將返馬來西亞與父母過年，對於弟妹已有另一半，單身的她決定今年「脫單」，更特地留長頭髮：「要畀人知我係女仔，係兄妹，唔係兄弟。（媽咪有冇催拍拖？）佢冇催，但經常傳啲男仔相畀我，其實我對男仔嘅背景冇所謂，只要好人、錫我就得，淨係睇過相同履歷，未見過真人。（新年順便相睇？）去到就順便啦！」