吳綺莉爆卓林搬走唔憂冇租交
藝人吳綺莉（Elaine）昨日出席美容活動，率先披露晒事業線及長腿的廣告照，還公布將自己的非賣品畫作結集成書，送贈小朋友，畫冊中亦有女兒吳卓林小時候的作品，充滿童真。Elaine認為畫畫可以分享正能量，問到女兒卓林對近期事件可感到壓力？她說：「每個人都有唔同壓力，朋友同親人之間係需要互相扶持，呢個係我想帶畀佢嘅訊息。（卓林明唔明？）呢樣嘢要慢慢嚟。」
唔再逼阿女
她又透露卓林最近已搬走，在外租屋住，她明白女兒已長大，並感慨說：「自己就學識唔可以太急，大家觀點唔一樣，唔可以逼佢做啲唔鍾意嘅嘢，愈叫佢唔好，佢就愈做，畀佢自己經歷同感受，只可以在旁提醒，人係要自我反省。（卓林太太Andi幫唔幫佢？）真係唔太清楚。」
問到會否在經濟上支持卓林？她說：「順其自然，大家冇提起呢樣嘢。（擔唔擔心再冇租交，會驚動警方？）冇得擔心，祈禱啦，交畀神。（有冇問你攞錢？）呢啲唔講喇。」
講到卓林自爆小時候在上海讀書遭欺凌，Elaine認為應從過去中學習，又發現身教更重要，會多做正面的事讓女兒感受。