杜大偉自爆當年得好友古明華點醒，二人相識十八載，古明華坦言在對方「頹廢期」痛罵過他：「初期覺得佢有啲囂張同飄飄然，同佢講唔好咁樣浪費咗自己，做呢行要裝備自己等待機會。」見對方工作有所成績，他亦感安慰：「我明白佢當時後生唔識諗，依家見到佢做嘢好紮實，好享受演戲，不時都會搵我交流劇本角色，各方面都好成熟。」
而與杜大偉識於微時的藝人馬國明說：「我同佢好熟o架！入TVB冇幾耐最快識到佢，我唔覺佢演藝事業有低潮期喎，佢依家各方面都做得好好，幕前演出又好、登台多過我，搞生意做得仲好，我好恭喜佢。」談及其演藝事業曾遇挫折，他說：「冇乜所謂啦，做呢行都要講運氣，發展唔順唔代表佢條件唔好。依家見到佢發展得咁好，真係好開心。」